User:Batkhu.I

Монголын "Хүүхэд бүрт компьютер" хөтөлбөр хэрэгжүүлэх нэгжийн вэб хуудас: http://laptop.gov.mn

Файлд нэр өгч, хадгалах тухай

Икс өү компьютерийн үйл ажиллагаагаар хийсэн файлдаа нэр өгч хадгалах, флаш дискээр зөөнө. Икс өү компьютерийн үйл ажиллагаагаар нэр өгч хадгалсан файл нь тухайн өгсөн нэрээр журнал дотор хадгалагддаг.

Хадгалахад дараах алхамуудыг хийж гүйцэтгэнэ:

• Програмын үйл ажиллагаа цэс товших
• Зүүн дээд хэсэгт байх тухайн үйл ажиллагааны нэр байх хэсэг дээр заагуур очуулан товших
• Нэрийг арилгах
• Бүтээсэн зүйлийнхээ утга санааг илэрхийлсэн нэр бичих
• Баруун дээд хэсэгт байх хадгалах дүрс дээр заагуур очуулах
• Хадгалах өргөтгөлөө сонгож, товших.

Бичих үйл ажиллагааны хувьд файл хадгалах дөрвөн сонголт байна.

1) Хадгалах дүрс дээр шууд товшвол .odt өргөтгөлтэй хадгалагдана. 

Энэ файл опен оффис програм дээр нээгдэнэ.

2) Форматтай текст(RFT) сонговол .rft өргөтгөлтэй хадгалагдана. 

Энэ файл виндовс ворд оффис програм дээр нээгдэнэ.

3) Hypertext(HTML) сонговол .htm өргөтгөлтэй хадгалагдана. 

Энэ файл интернэт бровсэр дээр нээгдэнэ.

4) Энгийн текст(TXT) сонговол .txt өргөтгөлтэй хадгалагдана. 

Энэ файл виндовсийн notepad, wordpad програмуудад нээгдэнэ.

Виндовс орчинд муужгай үйл ажиллагаанд хадгалсан файлыг икс өү компьютер руу хуулах аргачлал

Муужгай програмд хадгалсан файл журнал дотор харагддаггүй онцлогтой. Иймд хийсэн бүтээл болох файлаа зөөхөд бэрхшээл тулгарч байна. Дараах тайлбаруудыг үзнэ үү.

Та виндовс орчинд муужгай үйл ажиллагаа дээр хийсэн файлаа Documents>Scratch> дотор хадгалагдсаныг үзэж болно. Тухайн нэр өгч хадгалсан файлаа флаш диск руу хуулна.

Үүний тулд:

   1) Тухайн файл дээр заагуур очуулан хулганы баруун товч товших
   2) Гарч ирэх нэмэлт самбараас copy-г сонгож товших
   3) Флаш дискний төлөөлсөн дүрс дээр заагуур очуулах
   4) Хулганы баруун товч товших
   5) Гарч ирэх нэмэлт самбараас paste-г сонгож товших

Икс өү компьютерийн үйл ажиллагааны хувьд дээр өгүүлсэнээр хадгална.

Икс өү компьютерт хадгалагдсан файлыг флаш диск руу хуулах

1) Флаш дискийг икс өү компьютерт холбоно.
2) Terminal үйл ажиллагаа нээнэ.
3) cd /media/olpc/ гэж бичээд enter товшино. 

/OLPC нь флаш дискний нэр юм. Иймд тухайн флаш дискний нэрийг бичнэ./

4) Флаш доторх агуулгыг үзэхийн тулд ls гэж бичээд enter товшино.
5) Дотроос нь хуулах гэж байгаа файлынхаа нэрийг үзнэ.

Жишээлбэл: tsetseg.sb гэдэг нь файл байсан гэвэл

6) cp  tsetseg.sb /home/olpc/Activites/Scratch.activity гэж бичээд enter товшино.

Икс өүгийн муужгай үйл ажиллагаа дээр хадгалсан файлаа флаш руу хуулах, виндовс орчинд үзэх

• Terminal үйл ажиллагаа руу орох
• cd /home/Activites/scratch.activity/projects гэж бичээд enter товшино.
• ls enter товшино.
• Тухайн нэр өгч хадгалсан файлын нэрийг харах

Хэрэв байхгүй бол дараах командыг бичиж хаана байгаа замыг нь олно. sudo find / -name файлын_нэр.sb гэж бичээд enter товшино. Энд файлын нэр өргөлт нь таарч байх мөрийг хайж олно.

cd ард файлын нэрний өмнөх замыг алдаагүй бичнэ. Enter товшино. Хадгалсан файл нэрээрээ байгаа эсэхийг шалгаж харна.

• cp файлын нэр.sb /media/флаш дискний нэр-ийг бичиж, enter товших.

/Том жижиг үсэг ялгаатайг анхаараарай./

Флаш диск дээр хадгалагдсаныг шалгах.

Хоёр янзаар шалгаж болно. Үүнд:

• Файл хуулагдсаныг шалгахдаа журнал руу хандаж, флашийг үзэх

Үүний тулд:

1) Товчлуурт гарны томруулдаг шилний дүрс бүхий товчлуур товших.
2) Флаш дискний дүрс дээр товших.
3) Файлын нэрээр хайж үзэх

• Терминал үйл ажиллагаагаар үзэх

Үүний тулд:

1) Терминал үйл ажиллагаа руу орох.
2) cd /media/флашны нэр enter товших.
3) ls бичиж enter товших.
4) Зөөгдсөн файл нэрээр байгааг шалгах.